山火

今次山火可算厲害，差不多燒左成三日。其實係秋冬時份，天氣乾旱既日子山火數字就會增加。尢其旅遊人事往往不小心留下火種所引至。講開燒山草，讓我回想起有一次當更的奇怪遭遇，至今仍歷歷在目。

有次接總台報稱某山頭發現火頭，於是我們派了一隊人上山前往。唔講唔知，任何接報既案件，不論是真是假，我地都有責任到場調查。甚至有些名字都未聽過，唯有睇地圖、坐標、用指南針慢慢搵。

已經唔記得個山叫乜名，反正到達現場時已經差不多黃昏。四野無人，火勢不算大。我們一行人各自拿起工具拍打火頭。當時風勢正向山上吹，而火種也不斷向上伸延。不久天色已轉黑，我們仍朝山上的火頭去。我們身上的工字衣會發出螢光，方便夜間式別。有兄弟忽然道：「上面好似有另外一隊兄弟做緊野喎！」我們朝山上看，隱約看見螢光既工字衣閃閃下。接著我們call咪但係叫左幾次都無人應。心想反正上面有兄弟係到，我們不以為意，繼續上前。又再call咪仍然無人應，各人都發覺有d唔妥，跟住有兄弟睇見前面有好多「金塔」而且斕左，d骨都跌左出黎。「唔係咁邪呀！」有兄弟道。

另外有個老總，即刻叫我地咪亂行，跟住就講：「唔好意思，我地過路既，無心攪住你地。有怪莫怪，我地都係幫你地架！」隨後我地便幫忙把那些骨執拾放好在一旁，然後急急腳落山。

在前線工作的我們，往往會遇到好多千奇百怪，難以置信的事情。不過我哋深信，只要行得正企得正，就一定無有怕。