在LMS的日子，每更都過得十分之充實。大小任務、去完頂更、去火燭、再去山草。皆因拍住「火神堅料」。所謂「火神」當更，例必燎原，單單都鬼死咁「金」。須然超級辛苦，去完車全身入面直情好似沖完涼咁；但係我地一D都無怨言，事關大家真係好開心。火神亦都好照顧班手足，咁幾辛苦都無計啦！消防局裏面其實真係好細，你今日認識既每個兄弟，唔知幾時可能會係你出生入死既戰友。假如20歲入行，到55歲退休，成35年咁長，實有機會碰頭。所以，我地特別重視年資、尊卑、背份，朋輩師兄弟間既關係。始終，你唔知道幾時你幫人，幾時人幫你。
下回預告：火燒木屋區
沒有留言:
發佈留言